試新物 － 不要用Joseristine Facial Cream (彩豐行）

從來都吾會用呢間野既護膚品，佢咩料大家知啦。

有次我去，只係想買香薰油，平平地要黎薰下屋企，

有個Sales 好有心機係咁介紹呢個面霜，仲話係佢地皇牌產品，又話好好，好有誠意，憑著試新野既心態，二百令蚊就買下啦。

嘩！一生人都未用過一款搽左好似冇搽過cream 既感覺，

連一小小小小潤既感覺都冇，直頭似洗完面咁。

求求其其，最熱呢既日，吾使咁潤，大大pad ，快快趣趣，用鬼哂去，算:(

試新物 － Premium Resbro 5 FG Smooth Face Mask

呢個有40 塊既Mask , 係上次係日本買既。價錢吾記得，只知係好平

講功效，就冇乜，只係一張濕左，就好似滲滿Toner一樣既mask. 

其實都吾係冇用，我知日本人係有呢個習慣，話說係日本學化妝既時候都有教過，幫人化妝前，可以利用化妝棉，大約十張化妝棉滲滿toner，之後鋪面係塊面到8-10分鐘，之後化妝係可以有保濕效果，個妝都keep 得好D。

我就每晚洗完面，用佢夫一陣10-15 分鐘，當搽toner 咁用。

包裝話有EGF 生長因子成份，木瓜蛋白酶，菠蘿蛋白酶，玻尿酸等等。（信則有，不信者則冇，哈哈）

試新物 － 韓國M巾

沒有特別既Comment，只是包裝cute cute地，仲表示有"漢方"，覺得幾攪笑咪買囉。

韓迷既你，可能會好喜歡。

廿令蚊，sasa 有售。

試新物 － FASIO Mascara

我係有鋪研究及買Mascara既癮，因為好難搵到支吾容易變熊貓既mascara都幾難，就算人地用過話好好，吾等如岩自己，因為各人膚質，眼型及生活習慣都吾同，所以我就特別鍾意去試。

每次用到有D feel 到吾順暢（大約個零月）就係時候換過支新既mascara，每當唸住去買既時候，都係裝化妝品個櫃桶裡面搵到D係日本買既新物，今次比我係櫃桶搵到呢支，

Fasio Mascara

刷頭太大，不適合亞洲人眼形。也略嚴佢比較清'浠'，要搽多兩、三次先夠。

測試，搽了上下眼睫毛出左一晚街，回家後下眼睫毛位置有輕微脫色。

上下眼睫毛都有搽

問題： 白色外殼設計，支mascara只係放係化妝包裝2日，成支變得好污穢，黏滿各化妝品顏色。（我唸每個人既化妝包入面，都會係咁，或多或少都會有D化妝品漏左出黎係個包包入面。攪到支野好似用左成年咁，想用佢既意欲都立刻減少。   ：（

試新物 － Bicelle Hydra B5 Cream Mask

試新物 － Bicelle Hydra B5 Cream Mask

呢個Bicelle 水份mask，cream 狀質地，搽上面後大約15分鐘開始會乾變成有D似粉狀，

有時就當佢係sleeping mask 咁用，雖然話15分鐘後變乾，但就吾係clay mask 果種乾到裂，而係由cream 變到有D 似粉粉地，

點解當佢好似sleeping mask 咁用，因為變成粉狀後，感覺依然仲好滑好滋潤，

比起Laneige 個sleeping mask好，因為Laneige 個sleeping mask，搽左之後塊面 '黐納納'

未瞓著，D mask 已經 HI 哂落個枕頭到，

所以我覺得偶爾當它係Sleeping Mask 都吾錯。

試新物 － MJ Majolica Majorca Jeweling Eyeliner Pencil

想眼睛有神，除畫上眼線外，下眼線的作用也很重要，但白天上班想眼妝來得自然，必然要

選擇恰當的化妝。

下眼線很多女生不想畫也不懂畫，原因，有好多女生覺得畫了下眼線個妝會很濃，有些覺得畫了反而眼睛細小左，有些又覺得畫了個樣會好兇惡。

其實好以試下用咖啡色既eye liner 晝下眼線，從下眼角開始向內畫2/3，效果比較自然。

MJ Majolica Majorca Jeweling Eyeliner Pencil 

呢支eye liner 帶有輕微閃爍效果，但不算太誇張。

試新物 － Benefit Push-up Liner

Benefit Push-up Liner

質地就好似係eye liner gel 一樣，但比 eye liner gel 好，

首先吾洗再用支掃去搽，

二，吾好似eye liner gel 用到半樽就開始變乾，

三，真係一整日都吾化

膠狀筆頭軟身，好容易畫，只要每次寧筆尾1-2 下，就會即到少少出黎。

但佢最大既問題亦係呢到，

其本上每次寧1-2下，係冇野出，

最初時試畫完之後想補下色，寧左2下都冇野出，之後再寧左好多下都冇就放棄吾補啦！

放左入化妝包，點知第二日打開，扭左好多出黎。

想用佢時候又吾出，吾用佢又飛唒出黎。

我心唸，係咪我長期開冷氣，支野結左呢，

於是我就用左杯熱水，成支浸左一陣，

真係，浸完之後，寧1-2下就有少少走出黎，

如是這，我就每日用之前，都要去打水，浸下先可以用。

雖然係咁，但我依然愛用佢，

因個人問題，我搽眼線是比較容易化的，

用 liquid eye liner 就一定吾化，但有時想個妝自然D既時候，

就吾想用 liquid 既，

呢支膏狀出黎既效果比較自然，而且又一大日戶外活動流唒汗都吾化，

咪以為持久既一定好難卸妝，只需一般卸妝程序就可以了，

反而有D不脫色既 liquid  eye liner，卸完之後仲有個"控"，要卸多一兩次先得。

雖然要打水，但呢段時間都會keep 住用。

試新物 － 4D Mask

朋友係韓國買既4D Mask，

點4D法？ 就係好似一個袋形既mask ，成塊兜住你塊面，

幾好喎，至少下巴兜得好貼，仲有髮線兩個凹位都照顧埋，都幾滋潤。

試新物 － Canmake 極盛滿開Mascara

我係有鋪研究及買Mascara既癮，因為好難搵到支吾容易變熊貓既mascara都幾難，就算人地用過話好好，吾等如岩自己，因為各人膚質，眼型及生活習慣都吾同，所以我就特別鍾意去試。

每次用到有D feel 到吾順暢（大約個零月）就係時候換過支新既mascara，每當唸住去買既時候，都係裝化妝品個櫃桶裡面搵到D係日本買既新物，今次比我係櫃桶搵到呢支，

Canmake 極盛滿開Mascara

近期試過之中，比較最好的一支，吾杰，刷頭細，吾變熊貓。吾錯吾錯。

試新物 － Big Eyes Mascara

話說從來不喜歡這個品牌的Mascara, 因多年黎試過無數咁多支，都係同廣告所說的差天共地，但今次係去九州郊遊十幾日去浸溫泉香，有2、3日停係市區，係博多血併一下。

無無聊聊見冇乜嘢好買，就即管比多次機會佢試下，（其實見佢係日文版，心理上覺得好D，無計，日本既嘢，硬係乜都覺得好D）。

我唯一要求好簡單，就係吾變熊貓眼。

呢支尚算OK.  

呢支嘢賣點，係有兩頭，一邊係for上眼睫毛，而另一邊係for 下眼睫毛。

先講for上眼睫毛的，我個人覺得個刷頭比如大，不大適合亞洲人，但尚算持久度高，早上搽到夜晚只係輕微甩少少。

for 下眼睫毛呢邊，size 剛好，吾錯。