7 月7日 獨自坐CX 20:30到步，機上睇左套最愛睇既恐怖片類型別的，但係吾係好恐怖：（
到了朋友家後，立刻去附近Siglap 既Vie Bar 來點輕食，仲飲番2 杯 white wine 熱身一下
黎緊成個星期都係飲飲飲既 party
＊＊＊＊＊＊＊＊＊＊
7 月8日 星期五年－ 瞓醒，原來剛落果大雨，好彩，外面應該吾會太熱（最怕熱的我）
我間房個View
隔理房個View
換衫後出街meet 朋友食 late lunch
快快吃完，就係呢度 Five Izakaya Bar, 16 Collyer Quary
飲2 杯，好抵，係city 都有 S$5 杯既white wine
以為有時間返去換衫，原來一連串活動等緊我地，獨自坐左一陣 等朋友工人攞衫比我換
Farewell Party I 開始
18:00 Martini Bar，Grand Hyatt
Happy Hour 全部Martini 半價
半價大約S＄12一杯
未夠18:00 已經滿哂人，大部份都係著西裝既西方人，呢到應該好多
office 人黎既，再加上係Friday
20:30 之後去meet 主角其他既新加坡朋友飯局
＠Binomio
每位大約百幾元，大約港幣700幾，好貴呀。
愈黎愈多人，同大廚合照，
waiter 好好人，又玩得又笑得，所以話新加坡人好好玩
意猶未盡，原本打算轉場飲野，有朋友提意去佢屋企飲香檳。
＊＊＊＊＊＊＊＊＊＊＊＊＊
7月9日 星期六 朋友吾使返工，跑完步返黎，剛好我瞓醒覺，
佢同工人整生日蛋糕比Kai。
係外國人先有心機自己整生日蛋糕，香港人？買就算啦，慳水慳力。⋯⋯
之後去Kai既9 歲生日party。未去前
朋友知我吾餓得，煮左奄列比我食
呢個係上機前剛好做起送比朋友既生日禮物，亦都係今次黎既目的，參加佢明天既生日party
昨晚瞓覺吾記得 charge電，出門時又太趕，留底左電話係房，吾記得帶，所以冇影到Kai既生日相，全日得朋友影既相。
生日party係Bouncing跳彈床中心玩
去完kai生日party，18:00 去左朋友既 Farewell Party II （連續2日）
先去飲野@Jigger & Pony 飲飲飲
黎得77 88
之後轉去同一條街既餐廳Burlamacco食飯，飲飲飲
再黎多D人
每位大約 S$125, 嘩！好貴呀。
waiter 係咁請我地飲呢支野，不停不停⋯⋯
7月10日 星期日 朋友生日派對 ＠Fullerton Hotel － Champagne Brunch
黎左幾日，影第一張遊客相
專登帶來香檳及香檳杯汽球，仲有pump，第一個自己攪，香檳就爆左，只得番隻杯 :(
飲足3個鐘，再黎明大合照。
每位S$185 即HKD1,200.
之後跟在Julie 去 Big Tree，室友跟埋一齊去，原本打算坐的土去，點知室友話好近，吾好懶，行啦，
點知，睇就近，只係行到Big Tree 起點都行左好耐，成身濕哂。
件白色衫吸哂剛染既顏色⋯⋯
終於行到呢到，係我既終點，朋友既起點。
佢話黎到呢到，點都要影下相⋯⋯
朋友極束幫我影左幾張相
呢杯野S$15, 好貴啊！
返歸啦！行左去酒店門口搭的士，
新加坡的士好得意，吾同時間，吾同地點，都會有附加費
由於係Casino 酒店，所以呢程的士又要加價⋯⋯
返到去，朋友話飽到死，但我又餓啦，佢又煮左奄列比我食。
平時係香港，晚晚3點幾先瞓得著，係呢到好早就早抖啦。
＊＊＊＊＊＊＊＊＊＊＊＊＊
7月11日 星期一 瞓醒 窗外街景
等 Lift 時走廊景觀
等巴士見到人戴冷帽，
就快落車
每日坐車都見到呢個景
今日自己一個人外出食 lunch
打算去Maxwell 食 天天海南雞飯
經過紅屋
有Google Map 去旅行好方便
終於去到 Maxwell
登，登，登⋯⋯登
是日清潔，冇開呀。
行到又攰又餓，點算好。
根據Banner 指示，附近有一間係Amoy Street。無計，唯有去，
去到剛好 lunch time 好多人，
又熱，行左2 個 round 都係吾知食乜
唉！是是但但，簡左呢個
吾係好岩食，食左半碟。
post 左Maxwell 冇開既相上 Facebook，有人提意去牛車水有間好食既
海南雞飯。
好啦，見近近地，跟住 Google Map 去啦。
沿途街景好靚，好有南洋味，舊樓都可以keep 得咁好。
咦！遠房親戚喎！
行到啦！
可能太熱啦，去到都冇胃口，比平時食量大大減低。
之後去左 Arab Street 阿拉伯街 行下，
Abra Street 係 Bugis 站 ，MRT 只係幾個站。
地鐵入面見到呢張poster，好鐘意呀。希望香港都會有。
我平時都成日講，背囊友係吾知自己人加袋所需空間，轉身果時，或者係 Lift 入面，真係比佢話𡁻幾次。
到了 Bugis 武吉士站落車，行2 個街口就到。
好多店都係外牆畫得好靚
放電話係枱面自拍
都有D遊客係到影相，但係好多都影好耐，由其是好幾個女仔，影好耐都未影完，
所以都要等等等，
搵左個遊客幫我影相
由於太熱，行完有D地方都吾記得影相，呢到有D好有民族Feel既野賣，
仲有阿拉伯特色既無酒精香水（係鋪頭入面，所以冇影）
呢到真係幾有特色既，我都推介你地都黎下感受其他民族文化。
再約左朋友一齊返屋企，接埋D細路去 Bar Tea下
今日先係 Kai 正日生日，佢地黎住，我地18:00 去左Vie Bar 食野
一開始我就話要同佢地合照，我朋友話好難，佢地吾會影，
可能陌生啦，同埋已經坐定定，佢地都好合作，完成⋯⋯
8 年前我同大果3 個 ／ 8 年後我同細果3 個
老2/3/4
老大自己黎，到步後，偷影老大⋯⋯
好快8 點多D，我地就返去啦！
＊＊＊＊＊＊＊＊＊＊＊＊＊＊＊＊＊＊＊＊＊＊
7月12日 星期二 約左以前係香港做野既朋友食lunch
之前一個月聯絡時傾開食乜，佢話新加坡冇野好食，冇野好食得過香港。
又係樓下等巴士出去，風扇點少得，有個婆婆對我個風扇好有興趣，
佢話之前見到有人用，今日又見到我用，問我邊到買，講下講下知道我係香港人，
仲話我D廣東話好好聽 LOL。⋯⋯ 跟著就一路攞住風扇黎吹
之後由佢以前屋企馬姐煮野好好食講呀講，
講到有車黎先比番風扇我。
又經過呢個地標，即係又差吾多落車啦！
原來食lunch呢到又係 Bugis 站。
估下我地去邊到食飯，就係 Pokemon Cafe啦。
得4 種食物，我地兩個都係order 呢個，其他3 個 只可做小食。
（有其他選擇就吾好黎啦）
Bugis Junction
好熱啊，就係有冷氣既地方呆下
約左朋友晚飯，佢知我食完晏冇野做（新加坡lunch time 係 12-13：00) ，
提早收工同我 Tea，
佢提意係Orchard Road見，
都好，否則好似冇黎過新加坡咁
send 左張同朋友食飯既相去香港既朋友，佢一知我係新加坡，
立刻叫我幫佢買呢個朱古力，仲話有幾多買幾多，（喂！大佬，比個數黎先，
咩叫有幾多買幾多）
我話你好彩，原本都冇計劃黎，我依家就係坐緊車去Orchard Road，
算你有運。
約左朋友呢到等
好左有本地人，原來可以一痤一座大廈串過去，好似中環咁樣，
吾使係街到熱，就行到去啦。
就係呢間裝潢好靚既 Antoinette
包裝好靚呀！大約HKD150, 有 10 多粒啦。
但係成間鋪都係得一盒，如果要多，係要預早訂既，
（暗爽，吾使成晚拎住咁多盒）
次後去左Tea ＠ Paul French Bakery Restaurant
之後去食飯果條街，早左半個鐘，都係飲番杯先 ＠Buttergrill
夠鐘啦，過幾間鋪就係食飯既地方。
約左之前既宋仲基Whatsapp Group出黎食飯，其實都係Helen 既朋友。
又飲啦，係咪發覺新加坡人生活都好有氣氛，時不時見面都會飲下酒。
我朋友佢吾係宋仲基個group友，不過佢出埋黎join我食飯。
同粉絲group食完飯，同Helen 再約左另外2個朋友飲野。
呢間French bar，紅白酒選擇少，Cocktail麻麻地，仲幾貴Tim。
好似晚晚都食完飯又飲野，其實我地食好早飯，之後飲完野都係好早ga,
所以每晚都好早就瞓ga la.
7月13日 星期三，最後一晚，今晚零晨機，即係14號 01:30 機，
今晚仲可以玩到11:00 後去機場。
黎左咁多日，基本上我未食過地道食物，最想就係食
1 Laksa，2 海南雞飯，
就係最後一個下午，一次過食唒。
朋友今日冇返工，帶我食晏，
有本地人帶住係吾同D，終於食到地道，吾再係下下都700-1000既又貴西餐。
呢個 Laska超好食，第一次食吾使用筷子食晚laska，
因為已經切碎，只係用匙羹就得啦。
睇下朝偉幾Chok
就係呢間啦！由於朋友都係住呢邊，所以就黎左試
＠east coast，Marine Parade
之後即刻轉場行係同一條街既文東記試海車雞飯。
其實係白切雞，都吾係我想要既⋯⋯
做完我地已經拉閘下場啦。
之後搵地方飲杯Coffee，就只見呢間，
之後去左朋友屋企坐，搭錯車坐左個成個幾鐘先到，去到只逗留左一陣，就趕住下場。
佢2隻貓。
呢個綠色馬尾毛Clutch Bag 係我整比 Helen既。
最後一日我可以吾用風扇啦，我送左比同我一樣超怕熱既Helen。
又要一個鐘出返City，運本地人都話我叻，自己一個人同圍坐車，
真係好遠呀，不過日頭我都係坐公共交通工具，夜晚我地先會坐的士返歸既。
最後一晚，約左幾個人去 KPO bar，又食又飲，
係又飲
KPO 以前係郵局黎ga, 全名叫 Killiney Post Office
到步後，佢地話我叻，完全冇whatsapp 問佢地點樣黎，係呀，我Ok ga, 哈哈！
呢到逢星期三係 Ladies Night ，所以好多人
成晚大家都講幫我倒數，仲有2個鐘，叫多杯啦，
仲有1個鐘，叫多杯啦，
仲有半個鐘，叫多杯啦，
就係咁飲左派杯白酒⋯⋯
漏左2 個朋友冇影相tim。
11:00 到啦，要走啦。就係咁dum低佢地繼續，
因為我住既朋友屋企好近機場，所以今日出門前已經執好行李，我同好友坐的士返歸，
我自己飄飄浮浮咁上樓攞行李，朋友係的士入面等我。
到機場啦，同朋友道別，
之後我就飄住咁過關，等上機，
大鑊，飲左咁多都瞓吾著。頂。
p.s. 近年每次坐飛機都瞓吾到，典解嘅？
沒有留言:
張貼留言